کلام اقبال ایک سمندر کی مانند ہے جس میں جو فرد جتنی گہرائی تک جائے اسے اتنے ہی گہرہائے آبدار حاصل ہوں گے۔ ان کی شاعرانہ تراکیب، ان کی تشبیہات، استعارے، تلمیہات، اشعار کی نغمگی اصلاحات ان کے صوتی تجربات، بھرپور مقصدیت کے ساتھ ان کے کلام کی شاعرانہ لطافت و صداقت، جذبہ عشق، تصور خودی، ان کا انسانی عظمت کا عقیدہ، ان کے اشعار میں شاہین کی علامت، یہ سب بحیثیت شاعر ان کی ایسی امتیازی خصوصیات ہیں جو انہیں عظیم صاحبان فن کی صف میں شامل کرتی ہیں۔علامہ اقبال ایک عہد آفرین شخصیت ہیں اور برصغیر کے مسلمانوں میں اپنے دین اور ایمان کی بنیاد پر اپنے جداگانہ تشخص کے جذبے کی بیداری اور پھر پاکستان کا قیام اس عہد آفرینی کا واضح ثبوت ہے۔