| Tarique's profileTarique kamalBlogLists |  Tools  Help |
|
July 02 تیری آوازتیری آواز
رات سنسان تھی بوجھل تھیں فضا کی سانسیں روح پر چھائے تھے بے نام غموں کے سائے دلِ کو یہ ضد تھی کہ تو آئے تسلی دینے میری کوشش تھی کہ کمبخت کو نیند آجائے دیر تک آنکھوں میں چبھتی رہی تاروں کی چمک دیر تک ذہن سلگتا رہا تنہائی میں اپنے ٹھکرائے ہوئے دوست کی پرسش کے لیے تو نہ آئی مگر اس رات کی پہنائی میں یوں اچانک تری آواز کہیں سے آئی جیسے پربت کا جگر چیر کے جھرنا پھوٹے یا زمینوں کی محبت میں تڑپ کر ناگاہ آسمانوں سے کوئی شوخ ستارہ ٹؤٹے شہد سا گھل گیا تلخابۂ تنہائی میں رنگ سا پھیل گیا دل کے سیہ خانے میں دیر تک یوں تری مستانہ صدائیں گونجیں جس طرح پھول چٹکنے لگیں ویرانے میں تو بہت دور کسی انجمنِ ناز میں تھی پھر بھی محسوس کیا میں نے کہ تو آئی ہے اور نغموں میں چھپا کر مرے کھوئے ہوئے خواب میری روٹھی ہوئی نیندوں کو منا لائی ہے رات کی سطح پر اُبھرے ترے چہرے کے نقوش وہی چپ چاپ سی آنکھیں وہی سادہ سی نظر وہی ڈھلکا ہوا آنچل وہی رفتار کا خم وہی رہ رہ کے لچکتا ہوا نازک پیکر تو مرے پاس نہ تھی پھر بھی سحر ہونے تک تیرا ہر سانس مرے جسم کو چھو کر گزرا! قطرہ قطرہ ترے دیدار کی شبنم ٹپکی لمحہ لمحہ تری خوشبو سے معطر گزرا! اب یہی ہے تجھے منظور تو اے جانِ قرار میں تری راہ نہ دیکھوں گا سیہ راتوں میں ڈھونڈ لیں گی مری ترسی ہوئی نظریں تجھ کو نغمہ و شعر کی امڈی ہوئی برساتوں میں اب ترا پیار ستائے گا تو میری ہستی! تیری مستی بھری آواز میں ڈھل جائے گی اور یہ روح جو تیرے لیے بے چین سی ہے گیت بن کر ترے ہونٹوں پہ مچل جائے گی تیرے نغمات ترے حسن کی ٹھنڈک لے کر میرے تپتے ہوئے ماحول میں آ جائیں گے چند گھڑیوں کے لیے ہوں کہ ہمیشہ کے لیے مری جاگی ہوئی راتوں کو سلا جائیں گے ساحر لدھیانوی Comments (12)
TrackbacksThe trackback URL for this entry is: http://tariquekamal.spaces.live.com/blog/cns!DE813EDB2222AA77!2266.trak Weblogs that reference this entry
|
|
|
